2008年7月26日

馬榮成自傳


挾中華英雄的餘威, 天下的風雲又未被世間唾棄之時, 馬榮成的名聲真是如日方中. 紅極一時的袋裝書出版商友禾那時都跟馬SIR出了本傳記----畫出彩虹.

買這本書時,我仍係覺得馬榮成的畫很勁的. 不過沒多久我就忍不住他的因循守舊了. 我認為他原來只是捉緊了時機而生意成功的畫師. 自己沒有創作的能力. 老早應該找好編劇來配合自己嘛. 可惜十幾年快廿年了都未見天下有起色過, 沒有料就更加不敢完結, 永遠的惡性循環. 上圖他與他偶像池上遼一合照, 人家幾十年都係與不同編劇拍檔, 各司其職發揮所長嘛.

可能個世界不想有人太完美。如果馬sir作品故事與畫並行有保證﹐整間公司又run得順﹐就真係太完美太悶﹐網民漫迷會變得沒有東西好罵了﹖

5 則留言:

  1. 咁講我反而有少少意見, 記得《天下畫集》最初出果時係用個小故事《兩極》做主打(有無記錯?), 如無記錯既話呢個就係佢自己"創作", 相當唔錯, 不過只係小故事未必能作準。
    反而《風雲》搵個爛鬼編劇, 就變成依家咁田地。

    另外, 《中華英雄》時期劉定堅編劇(但我唔知其實劉生在《中華》裡面跟左邊個時期), 整個效果好似比《風雲》全盛期仲要好。銷量就唔知了

    回覆刪除
  2. 我都繼續講一講比較主觀意見:兩極是合格. 不過是格局非常狹小的小品, 畫面可以,故事呢, 嚴格來說都不是精品.
    劉定堅負責的中華英雄, 我常聽說是鋼牛谷時期.我自己記憶裡面金太保,五術人, 黑龍司令, 無敵等劇情都的確精采, 後來回到中土非常可惜變了一般古裝江湖模樣,不過都算非常緊湊.
    而根據我貼過這本特集講:
    http://moronenemy.blogspot.com/2008/07/blog-post_10.html
    中華英雄高峰時單期銷量是達恐怖的二十萬之多,是為近代最大出版神話之一. 我所知的另外一個神話是初期的YES雜誌.
    今時今日, 港漫賣三,四萬是大書了!

    回覆刪除
  3. 上面的link貼漏了:
    http://moronenemy.blogspot.com/2008/07/blog-post_10.html

    回覆刪除
  4. 呀,貼不到,總之銷量資料是中華英雄珍藏特集看到的.

    回覆刪除
  5. 中華英雄高峰時單期銷量是達恐怖的二十萬之多,是為近代最大出版神話之一. 我所知的另外一個神話是初期的YES雜誌.
    -------------------

    二十萬確實恐佈, 但回想起果個時期, 人人買又好正常; 一班30人, 有15本係平常事。

    [YES!] 神話我估係得開頭第一期, 真係好爆, 咪講笑連我都買左第一期 (當年三個寂寞的心主要聽/睇邵國華), 果日真係全街1x-20頭既人全部手持一本, 係特登渣係手揚揚下好似「我都係YES人呀」咁, 嚇到我即刻收埋佢。

    回覆刪除