2011年7月28日

不推介! Roca 坐廁水箱&油壓板

我覺得自己最近很曾Sir, 很享受寫關於一些家居維修東西.電腦東西等 (雖然電腦方面我知道的常常都是很皮毛, 頗過時的)整好或者整過一些東西後, 總忍不著要寫寫blog的程度. 其中一個原因可能是我自己找資料google時覺得很缺乏, 想想我現在寫了, 希望日後有同樣問題的人上網看得到我寫的用得著吧.  (後補: 其實discuss.com.hk關於Roca廁板的討論不少, 係水箱的就相對少很多)

2006年裝修時, 從未想像過一個Roca坐廁可以帶給我那麼多麻煩.

不知道是否first day師傅就裝得唔好, 觀乎當日水箱外邊有D英泥跡又冇抹好, 廁板又上唔正等有夠馬虎, 應該都好大程度裝得唔好係出事主因. 不過Roca的設計與品質嘛, 又真的不是那麼理想.

個廁所最大問題係水箱間中長期漏水落馬桶, 出水力弱, 沖水位置又不平均, 尤其最前方幾近冇乜水. 都唔知係咪有泥塞了. 我曾經把中間去水件拆出來清理止水膠位, 漏水情況貌似好了些, 不過馬桶出水位如果真係裡面有雜物塞了, 我想不太容易清.

上次工人姐姐跌了沖水掣落馬桶兼沖走埋, 奔走一次灣仔Roca Concept(灣仔間北海道牧場餐廳樓上)買了一套件更換, 好像是$140, 我見廁板較位電鍍剝落得緊要又界手, 同時買了套較位換, 不過上次只換了四個膠件其中最殘那個.

上星期則有新問題, 係廁板蓋的一邊螺絲斷了. 呢D自己好難搞, 打電話問Roca Concept, 話可以免費幫我搞, 上星期我帶塊板上去, 他們說會幫我取出斷螺絲尾.

不期待好有效率, 最後真係搞了差不多整個星期先ok. 不過免費就真的.

這油壓板(即係自動慢落下的廁所板)嘛, 先天設計低能, 重量絕對不輕的樹脂板, 我感覺是會打得爛的材質, 支持它的較位呢, 接駁馬桶那個位無疑是金屬的, 可是接著那你真正會坐的環型板和蓋板則是很脆弱的塑料. 各塑膠較位只是一口螺絲在板薄那邊的側面上死, 要承受的力可以想像不輕, 唔爛有鬼.

兩板與馬桶的接駁位螺絲又於後面, 是六角螺絲, 與水箱距離不太大, 長螺絲批(起子)是不夠位使用的, 一定要L型小六角匙, 我有六角匙的長批不能用, L型的六角匙我有很多卻碰巧沒有那麼小號的六角. 最後落得要用手指頭捏著那多頭更換型起子的短短的六角頭去鬆螺絲, 上螺絲!!!!!!

暫時搞掂了.

總知, 如果你是上網查Roca坐廁好用與否而來到這裡的話, 我個人真係不推介! 買便宜多的大陸貨或者香港流行了幾十年的American Standard還比較實際. 當然如果你是買過五千的品牌型號又別論了, 不過買邊隻都好, 最緊要是叮囑安裝師傅裝好些, 要照足人家說明書去做不要懶醒.

2011年7月5日

無線router還是不要放得太隱敝

在Vancouver住了親戚家兩星期, 人家兩層的獨立屋, wifi卻是順暢得很. 回來自己家, 對那個在廳用iphone總上不到的wifi真的特別不滿.

我家的無線router放在書房, 在家時在其他房間, 客廳有時要用iphone, notebook電腦上網咁啦.

近半年覺得個wifi越來越弱, 最初係iphone成日上不到網. 最近notebook接個wifi都好唔穩.

這router是放在貼牆書桌最入, 前面有電腦speaker, 筆插筒, 一舊廁紙等.

昨日把它移前了些到電腦speaker前面, 在廳用iphone接駁wifi一接就通非常順, 看youtube或者FC2甜片完全流暢. 頂! 為何不早點動一動它呢!? 原來罪魁禍手只是擺放得太入, 太多東西阻擋著.

小事如此, 不過我真他媽感動到哭, 直要我為這寫這篇文的程度. 最近總對電腦有關東西最有動力寫東西似的, 臨老才越來越毒男.