2015年10月27日

宇宙戰士Baldios 香港版本OP


原來是有過粵語版本, 曲是跟日本原曲. 
感謝Facebook 漫畫周刊A-Club谷友Kitty Lam珍藏錄音與默寫歌詞, :

無論要經過風與霜 又流盡血汗
我誓要勇敢反抗 要昂然直闖
毋懼我心裡獨流浪 未埋沒盼望
我們要斬荊披棘 心裡願要手創
自由係我大眾嚮往 那怕灑血與命喪 
憑著幹勁 更兼毅力 人人合群勝巨浪 
心中激發 百千希望 萬眾一心 要步往 
共退魔障 美景可創 憑藉你我勇氣奔放
群魔 心膽喪 期望再能共挽手 夢境再共創

2015年9月21日

重新出發, 搬家到facebook

我上網上晒癮, 一日只捕注手機facebook, 看呢個專題group果個專題group咁. 最近亦post吓舊動漫東西. 偏偏自己的blog原來幾年沒有update了!

人懶而facebook又太方便, 歌唱魂決定重新出發, 整個歌唱魂blog facebook版.
有緣看到此文字的網友可以去參觀吓.

Link: https://www.facebook.com/moronenemy



2013年8月14日

幪面超人龍騎原OP VS 香港版OP

日本Alive a Life原版:


港版:


平成Rider好快就黎多過昭和一倍了...
我沒有看過多少, 不過youtube看人家做的港版主題曲合輯, 原來好多首都幾好聽.
龍騎這首衝出去由劉浩龍主唱, 很ok.

港版歌詞 :
在混亂世代 遺下的正義 全人類在凝視 熱切爭取的意志 像大俠勇士 延續的故事 如逃避沒意義 就更加應該試試 那管出去太艱險 讓我一試 能承受 我沒有事 *理想不可減退 全力勇敢的衝出去 不死的夢裡 充斥愛和罪 重拾自信滅絕當天的畏懼* 已把心魔擊退 還未留下一絲根據 彩色的烙印 天空裡凝聚 和平地戴面具 歡呼聲撐下去 烈日下窄巷 存著的盼望 盤旋前路對望 是我珍惜的拍檔 共患難上岸 才值得仰望
窮途同步破浪 下意識找到答案 用愛心來做記號 就算失去 連繫在天各一方 #是我不想失去 全力進攻縮短差距 心中擁著愛 艱辛也無懼 無窮幻化大地把悲哀過濾 強忍不息的痛 凝造能量通通粉碎 多少不合理 不必再垂淚 留著自信同步 青春的美夢裡# 就算只得我和你 為曙光熱切堅持 憑著默契起哄 在最終亂世中可找到樂趣
 那管出去太艱險 讓我一試 能承受 我沒有事
REPEAT*#




2013年5月10日

[Puzzle and Dragons] 初戰勇者降臨

隊伍: 究進月光, 虹番X3, 滿技水奶, 朋友暗天

1/5惡魔軍團: 一黎唔多暗珠, 轉了一下, 秒不走一隻, 似要即刻byebye. HP維持低落好似3個turn, 唔知天降神珠定點救了命, 水奶技都出來了. 個人定曬. 殺剩一牛魔慢慢儲技.
水奶虹番有技狀態過.

2/5面具軍團: 做了兩次5粒, 第三,四turn KO兩個, 安定繼續, 留最後一只儲技.

3/5騎士軍團: 有虹番水奶技旁住心定, 冇壓力下順暢逐隻打死. 當然最後儲到全員有技過.

4/5吸血鬼軍團: 邊下安全之後一定補足血就放暗天晨星. 儘快打完第一隻後完全安定,
基本沒有任何驚險全員有技過.

5/5基佬二人: 本人柒到不行, 想錯東西. 其實一開始就應該全力打狂暴者, 因為他低防, 相反高地幾可說一定打不入只是1,1,1,1,1,1,1......從一開始至等第二次暗天技KO
高地人時所有攻擊應該都只打狂暴者. 總之我錯Q曬.

後果, 攻擊次序上的錯誤, 總有沒防狀態同時食二人一擊扣19xxx的時候, 回不切血死兩次.

結果係2石取高地人. 時間大概1hr.45min.. 我估計如果打boss次序正確應該係個半鐘搞掂.

2012年12月12日

又來過時購物: Magic TV MTV3000

最初香港開始有數碼廣播年幾兩年我一路都冇心買高清機頂盒. 近十年香港電視節目90%係廢的. 電視台轉播外國劇集可以一看的, 又往往網上找來看更方便.

直至約兩年前老友P回流加拿大, 接收了他的TEAC機頂盒, 才看到高清. 不過呢, 呢部機非常一般, 山寨風格, firmware與多部其他雜牌呀, 咩8仔一模一樣, 勉強湊合用可以, 絕對談不上好. 外接usb storage錄影更是用了幾次就掛, 此功能再也用不上.

到近來hang機越來越頻密, 要power on off reset應付, 又甚至自己提然reset.  部機似乎係時候壽終正寢了. 本來可以無視繼續, 反正近來一個月都唔睇是旦台一兩次.  不過如果朝朝開機看一看氣溫都hang左又真係麻煩. 完全放棄高清看回矇天線, 其實也無不可.

不過看看個個讚好的Magic TV機頂盒舊款入門版MTV3000網上二手才不過三百塊, 可以玩玩喎.

買了回來, 初接上竟然畫面不穩, 難道中伏買了二手雷? 不過發覺開得兩三分鐘不穩定現象就會消失.........應該是小瑕疵, 基於本身好少會完全熄部機, 影響應該不大.

部機的user interface, 跟山寨機天淵之別, 本身轉台, volume上落的反應又ok快, 可以控制的畫面, 聲音選項都多很多. 錄影, playback等介面更加好上很多. 能夠預較自動待機, 開機更加令上面所講開機接收問題等同消失.

能夠0係大眾過晒道氣先執高質而平價的好貨, 係另類樂趣來的.

本身, 香港的電視就死晒. tvb白痴, 亞視變了電視版文匯大公大陸喉舌. 現在係等王維基的未有牌電視台香港電視睇吓有冇轉機啦. 希望佢有本事令我願意多D用到個錄影功能啦.

2012年7月4日

香港警犬胡椒大炮隨想


【轉圖】有人去信胡椒噴霧原廠查詢!
滅火筒裝胡椒大炮不建議於3呎範圍內直接射到人體上,會造成 "永久性損傷人體軟組織(damage soft tissue in human body)" 


被認定暴徒, 有乜計?

早前我還是聽到有友人不正確類比話, 如果俾美國果D警察? 一早就lurk低你啦. 怎會讓你推鐵馬, 噴你胡椒噴霧......問心, 如果係美國政權, 有冇咁多野要去反對? 唔係話人地絕對公平,開明, 唔好捉呢D字蚤咁小學雞. 講公平, 公義呢D野都係講相對值. 人地真係唔會唔俾屌政府, 民運人士被自殺, 功能組別只是保皇措施等咁不知所謂0既事情國情日日發生. 有頭髮邊個想做癩痢? 但是君不見香港不少聲音近日都緬懷殖民日子(老實講, 當然更集中講緊我們出生後有ICAC的年代)? 寧願俾鬼佬統治都唔要做共奴呀陰功! 還有因為我們活於仆晒街的中共香港, 比較之下, 更間接令另一個中國政權台灣升格成為理想生活之國. 尤其看到人家有真正政權交替之後. 政治, 生活, 文化, 各項保育近年我都聽到人羨慕起台灣來. 十多年前, 即係回歸前呀! 我從未聽過香港人有此等想法的.

再講, 美國, 平民都隨時有槍呀, 所以點撚樣比呀?