2008年11月22日

機動戰士設計初稿 vol.01

這個主角機初稿真係好難頂﹐豬頭一樣。

我算係一個狂熱Gundam迷﹐某個時期。(Gundam文化已經延續了廿幾年向三十年邁進)

香港播太空戰士(第一套Gundam-- 0079)的時候﹐我仍是小一小二學生﹐之前係逢超人機械人都迷的年紀﹐見到高達這麼有型的機械﹐係打仗而唔係打怪獸的“相對寫實“表現手法﹐小孩子覺得 很勁﹗”大人看不起”動畫“﹐是他們不明白﹗尤其香港大人“這種搞笑心理開始萌芽。

Z年代﹐我已經係長期漫畫週刊﹐本地講日本動漫的雜誌一本不漏的讀者了﹐極度沉迷Z。

這些個人往事都係不提這麼多﹐因為只是題外話﹐我想貼的﹐是近年收集回來的高達機械人(叫MS wor聽講....)初稿。有些是早年我的高達特集或漫周一類書已經有﹐由些則是近年網上搜集。今天貼一些0079的。



當初富野第一個比大河原邦男的設計指示應該係星球大戰STARWARS感覺吧﹐
大河原於是係咁出D鬼佬CYBER FEEL白色設計﹐其中有隻不是二足步行
型﹐比上面那隻”高達“順眼得多了﹐配純白出來感覺亦好似星戰。


邪惡的軍國主義敵對勢力---自護的機械﹐有點渣古(ZAKU)有點老虎(GOUF)
武士盔甲的感覺﹐概念非常好﹐這個初稿亦非常的對板。我估計一開始大河原都覺得設計
’衰人‘果邊容易好多。



二號主角機鐳射大砲﹐這個初稿與最後決定稿很接近。聽聞人物設計安彥良和參與部份不少。


這幅是近年買回大河原邦男設計特集DESIGN WORKS得來﹐右面兩隻
上面已經有﹐左面這個應該是一號主角機的另一稿﹐上面那個豬頭最早被放棄了﹗
相反另外二隻很大程度的保留。



到這張又看到放棄了上面這隻黑色太接近人型裝甲服(這些非常肌肉感的設計﹐就留待了之後
銀河漂流﹐裝甲騎兵等使用了)﹐簡直有點鐵騎士而已的初稿﹐

又混合了點第一稿那”豬頭“身體特徵的新稿﹐應該是加上很多為玩具商明確指示做
的妥協產物。邪惡勢力是西洋武士的話﹐正派主角何不參考日本武士戰場盔甲﹗
這個意念當時實在很妙。這稿已經很接近最後出街模樣﹐不過妥協得太盡﹐面容和
配色都太似日昇上作無敵鋼人戴坦3。之後再調節細項與配色就成為了我們後來熟
悉的白色傢伙RX-78-2高達﹗


備註﹕
高達係開創了日本科幻機械人動畫走向寫實化的先河﹐自護地球聯邦等個別人物難分好壞正邪﹐不過歌唱魂為了行文方便﹐就用回卡通企劃最初的概念﹐即是小孩簡單二分來稱呼﹐請勿見怪。

4 則留言:

  1. 當年黎講, [太空戰士]確係一下子擴寬細路仔視野既"機械人卡通"。見到呢d初稿真係令人囧晒, 不過如你所言, 又合情合理。好彩end up出黎唔核突。

    真係要講Gundam係可以永遠講唔完, 成個blog會變成另一類網站。淨係依據返文中內容順口講下gossip:

    - 由細到大都諗唔明呢個「謎」:好放唔放點解駕駛員硬係要塞入去果度...

    - 高達概念本身好超脫了, 可惜為妥協, 仍要設定"超級系"式的核戰機變身(哈哈, 記得只變過幾次身, 之後就永無再變過?)

    - 「邪惡勢力是西洋武士的話﹐正派主角何不參考日本武士戰場盔甲﹗
    這個意念當時實在很妙。」係。當年眾細路津津樂道也。可惜整體風格仍散亂, 假如嚴慬些少, 刻意分一邊和風一邊歐風會更好, 依家自護果邊好雜。
    唯一我一直唔知設計概念既係"老虎", 唔知網主你有冇idea?

    回覆刪除
  2. 係呀﹐我都不打算真係講GUNDAM劇情﹐主要就係想貼舊GUNDAM的初稿﹐講講設計背景。我想我應該只會貼到ZZ﹐最多去到0093馬沙反擊。我手上多數都係Z的稿。

    --駕駛員位置﹖日本卡通機械人傳統些是放頭﹐你覺得高達世界擺肚子有問題嗎﹖我覺得無可無不可。到TURN A先至再落D去了接近陰部﹗(騙自己﹕人形戰機吧了﹐不是真的人)

    --係呀﹐後期多數係整隻高達出動﹐不過竟然會有隻更過份的超級合體物G戰機﹗﹗﹗﹗﹗現在口吻有D鄙視﹐當年恨套模型恨到口水流呀。電影版則處理認真點﹐G戰機沒有了﹐記憶所及亦應該沒有在戰場上搞合體那麼"超級"。

    --我最初係想寫自護係西洋武士的﹐不過想起大魔是日本劍道道服來的﹐有矛盾所以話"多數"係西洋武士﹐有D例外。勇士格魯哥係印第安紅番﹐強人比任何一隻更似西洋武士﹐不要說當年﹐我到現在想起這些特色設計都係拍案叫好。自護的大型MA則全部像畜生一樣﹐蟹呀﹐蟲呀﹐蜘蛛甚麼都有﹐我感覺上都算統一的。

    --老虎呀....坦白講我buy後來那些四格笑話﹕是經過三一射線洗禮的渣古來的﹐嘴長了﹐角尖了﹐整體個形態醒神左﹐型仔左﹐就係老虎啦。認真想﹐它用鞭﹐so﹖惡魔城果D皮革戰士? 又唔似﹐看我貼那張初稿﹐始終都係西洋盔甲。

    回覆刪除
  3. > 你覺得高達世界擺肚子有問題嗎﹖我覺得無可無不可

    咦係喎, 肚乍喎... 腦裡面成日凝住佢係放下體果度。

    > 有D例外。勇士格魯哥係印第安紅番

    咦係, 勇士係紅番先arm。其實以前係記得, 而家唔記得左, 以為係Gladiator。

    回覆刪除
  4. 始络喜欢旧世代之机动战士,不只高达,还有各式渣古、魔蟹等。近年之高达,就兴趣不大。

    回覆刪除