香港警犬胡椒大炮隨想

【轉圖】有人去信胡椒噴霧原廠查詢！
滅火筒裝胡椒大炮不建議於3呎範圍內直接射到人體上，會造成 "永久性損傷人體軟組織(damage soft tissue in human body)" 

被認定暴徒, 有乜計?

早前我還是聽到有友人不正確類比話, 如果俾美國果D警察? 一早就lurk低你啦. 怎會讓你推鐵馬, 噴你胡椒噴霧......問心, 如果係美國政權, 有冇咁多野要去反對? 唔係話人地絕對公平,開明, 唔好捉呢D字蚤咁小學雞. 講公平, 公義呢D野都係講相對值. 人地真係唔會唔俾屌政府, 民運人士被自殺, 功能組別只是保皇措施等咁不知所謂0既事情國情日日發生. 有頭髮邊個想做癩痢? 但是君不見香港不少聲音近日都緬懷殖民日子(老實講, 當然更集中講緊我們出生後有ICAC的年代)? 寧願俾鬼佬統治都唔要做共奴呀陰功! 還有因為我們活於仆晒街的中共香港, 比較之下, 更間接令另一個中國政權台灣升格成為理想生活之國. 尤其看到人家有真正政權交替之後. 政治, 生活, 文化, 各項保育近年我都聽到人羨慕起台灣來. 十多年前, 即係回歸前呀! 我從未聽過香港人有此等想法的.

再講, 美國, 平民都隨時有槍呀, 所以點撚樣比呀?

Door Door快餐摺埋, 中原地產登場

住過下美孚的朋友都有幫襯過下多多吧? 我知道觀塘都有多多麵包舖, 不過我唔知邊間歷史悠久D啦. 往時美孚兩店麵包與快餐分別服務影都與蘭秀道兩邊好不方便.

蘭秀道分店執左幾年, 唔知點解花膠大王咁把砲租了....唔知係有蝗團入美孚掃貨定係業主自用呢.

今天看到影都對面那間麵包部就係咁咦裝修過後重開左一排了. 至於快餐部, 恭喜恭喜, 仍然圍板, 不過好消息! 預告中原地產又即將開業~

我估多多做左有三十年的. 我算係遲住進美孚的人, 不過到今都廿年有多, 對多多點都有些感情, 蘭秀道這邊凍奶茶係好得的. 快餐後期賣很多小菜類, 變得唔多快要等三個幾字至少. 不過最懷念黑椒雞扒, 羅宋湯這類快餐傳統食品, 好ok的.

前面係咁講的影都戲院, 當然大院變細院左好耐再執埋啦.....即如好多人仲叫大丸, 松坂屋咁. dhlm, 香港撚唔撚係人住的?

btw, 洗衣舖都所剩無幾了. 本來四五六間起碼, 近年至少執了三間. 蘭秀道服務態度極差的仆街豪華又唔見佢執!

3香港(和記)真係廢到唔恨的

這篇應該兩年前就出. 那時出iphone, 鬼掩眼上了3台, 成兩年合約.

我來回通勤係足個半小時地鐵, 偏偏3香港於荃灣線九龍路段基本上係可以叫收唔到的! 到港島, 過了銅鑼灣到天后則開始收到! 唔好話咩睇片, 佢冇network時真係facebook, 網台, whatsapp等乜都唔柒得的.

最恐怖呢, 係佢個3G網絡, 我家中(美孚)書房接電話係必定斷線! 要轉2G先好D, 有冇咁撚廢的網絡架?

竟然有個好處! 兩年下來我養成了出街尤其地鐵唔太上網的習慣! 下月轉去HK$72 電訊數碼(新世界), 無限data, 未真正試過唔知會唔會平野冇好, 不過不怕會很差, 因為網絡應該唔會衰得過3, 如果真係不幸中伏, 佢又真係平兼且只係一年合約. 算冇得輸. 幾好.

Philips DVD播放機 DVP-3552K地區限制解除方法

已經是2012年了, 還在用DVD機?

不解釋那麼多了, 總之總有用到的機會. 突然要入隻1區碟入去play, 誰知竟然限制只能play 3區! 憤怒!

Google了一下, 專教unlock region的網頁找不到exactly DVP-3552K的region unlock方法, 不過卻找到原裝service manual! 有講region code change. 發覺其實即是跟以下機型解lock方法一樣 :

Philips DVP 3015K / DVP 3020 / DVP 3040 / DVP 3040K / DVP 5140 / DVP 5960

方法:

0. Method 1:
1. Open the disc tray
2. Press SETUP
3. Navigate to the preferences page
4. Enter 138931
5. Select the region using UP/DOWN
6. Press PLAY

Service manual就話選好區restart, 我exit setup menu, power off再開機囉.

選0區, 應該即是全區啦, 試過1,2,3區碟都play到.

幼稚園報名 -- 堂堂正正的培正

我們替兒子報了五間幼稚園(本來想試三間算, 媽媽心癢報多了兩間~), 當中培正的報名表最有堂堂正正學校之古風, 要求資料務實, 用詞不偏中文寫得的確好, 看得舒服, 相片要求兩張, 已包括一張是貼於報名表上. 報名與遞表通知更仍用上我多年未見的油印紙. 回郵信封亦只需要一個.

問卷問的是: 1)為何會選擇本校 2)閣下怎樣運用與貴子弟相處的時間 3)你怎樣培養貴子弟自理的能力.   問題簡明, 學校想了解的東西很具體, 出題者的邏輯正確.

以上皆覺得很普通嗎? 非也, 現在非常多幼稚園都做不到以上的. 問題九唔答八虛無飄渺大有人在. 拿四,五個回郵信封, 能做到一句''我們收到你報名了''都要用上一個信封寄信通知你這種行為, 莫虛偽叫孩子學習環保的重要了. 咁你當初拿我手機電話與email地址把咩. 我填這份培正form, 坦白講我有點他媽的感動.

最好笑我覺得是報名解說特別註明: 家長''請不要''呈上考生之成長學習檔案!!!!!!! 一野就否定了坊間流行的歪曲價值觀, 兩歲小兒作甚學習portfolio? 第一次自己坐著便便拿給老師看嗎?

後更正: 原來之前係有先拿了兩個回郵信封的!!! 一樣有"我們收到你報名了''用上一個信封!!!!!! 特此更正. 一擔擔不過仍相對地正路啦.

那些年,我們一起追的女孩

(下面有電影重要情節透露, 注意要否讀下去)

看過九把刀寫的十來二十個故事吧. 最初看九把刀最喜歡他古怪的暴力, 幻想, 驚慄故事, 例如都市恐怖病系列, 樓下的房客等, 怎知後來最愛的是這本訴說青春純愛失敗個案的, 和另一本都係大部分根據他真人真事講一家人伴著母親戰勝大病充滿小時懷念母親之情的"媽, 親一下".

現在google"那些年", 應該找到漫天價對這電影的評論吧.


電影, 我覺得完成度不是真的很高, 有點散亂. 有些應該詳細鋪陳交代的無奈被刪了. 整體我覺得不及書本的七成好看. 可是!!!!!!!!! 它作為光影聲音表達的版本, 最後卻能用它獨有的能力結結實實KO了我與很多人!!!!! 最後婚宴那幕, 眾契弟們鬧著問能否吻新娘子沈佳宜, 新郎說可以, 不過要先吻他, 怎樣吻新郎就能怎樣吻新娘. 這時柯騰二話不說就緊擁著新郎, 深深的嘴了很久. 伴著牽動情緒的感人音樂, 畫面交替著過往二人一切喜鬧甜蜜苦澀片段. 柯騰所說平行世界裡面二人吵架後有和好起來在一起的畫面與現在二人擁吻的畫面交疊. 這裡看得我肚子抽著一下一下的感動. 這個就是電影版本出奇制勝, 文字不能做到的KO一擊.