2010年10月25日

高達(Gundam)往事, 古怪回憶

有好些搞笑的兒時謬誤, 怪叫法.

-- 那時有些藍色紙套包裝的抽獎高達卡, 我們會稱原片截下的畫面, 或者一般的插畫為"畫"的. 相反, 一些精美的噴筆插畫叫做"影"出來的.

-- 像歐洲武士盔甲的YMS-15 Gyan我們直至現在一路叫強人, 那時我們抽膠公仔, 抽到沒有腳穿裙子的MSN-02 Zeong就叫女強人!

-- 超巨大綠色MA-08 BIG ZAM現在香港統稱魔霸, 以往卻有魔爪甚至魔雞的怪稱!

有件事最低能, 回想起來覺得自己小時後做乜咁機心唔直接0架? 話說應該都係6, 7歲的我, 有次同祖父母, 大我兩年的堂兄飲茶, 堂兄也是高達迷, 當日買好多高達卡的, 那天他在報攤買了一套坊間翻印的高達post卡, 記得都幾精美的. 我唔知點解硬係冇開心見誠跟媽媽說想買, 但是就故意只不斷望著套卡堆砌起殷切的眼神一副人有我冇的慘樣...........那個下午我記得我們回家, 媽媽想睡個午覺, 睡前給了我幾塊錢, 問我是否很想買那高達卡, 係就落街買啦. 我每次回想起這個, 不是開心, 而係討厭我小孩子時候已經有的彆扭性格. 講開又講, 以前父母都很放心7, 8歲的我落街在家附近買東西, 自己上學, 是當年風氣兼我又特別文靜不亂跑吧? 遲幾年我敢叫7歲Hayden一個落街買東西嗎? 老實說, 不敢. 客觀地看, 今天香港治安也不比80年代了.

說回這套高達postcard, 記得尺寸是剛好可以放入3R相薄的. 可惜, 沒有幸運保存下來.

說起這位堂兄, 前面那些古怪稱呼大半也就是他口耳相授給我的(笑). 他還說高達商品上面例如模型盒上的銀色高達頭小貼紙, 寫著A證紙, B證紙, C證紙, D證紙那樣的, 他說某d證紙係代表品質好過另一d咁的. 煞有介事, 好搞笑.

3 則留言:

  1. 同一屋簷下 II 開場片頭
    http://www.youtube.com/watch?v=U6XRT5RElE8&feature=related

    [懷念] 一齊貼香港 90年代既野
    http://forum6.hkgolden.com/view.aspx?type=CA&message=2662769

    回覆刪除
  2. 多謝上面位仁兄留言. 不過可否唔好每次都匿名? 留個大名甚至blog地址好稱呼交流丫?

    回覆刪除
  3. 有個做玩具朋友話:有證紙先至係正版貨~ 指依家大陸製的日本玩具...唔知真定假..?

    回覆刪除