點會係唔好睇?
係, 大打戲只有兩場, 都是在最尾聲了. 之前擔心太集中寢技, 地戰的表現於電影中打鬥表達效果會失色. 原來, 我的擔心很多餘.
文戲, 或者係講動作戲中間的喘息點綴, 今次其實很有葉偉信特色, 我個人對<誤人子弟>一場無聊戲印象很深刻, 是一個軍裝警察神色慌張地走來問應該係林海峰定邊個, 太久忘記了"先生, 請問你有冇見倒我頂帽?" 今次導火線, 一位軍裝走來子丹處刑行宇現場問馬SIR野, 重復問. 荒謬到爆. 好鬼好笑. 已經看過的朋友應該記得係問咩.
演員方面我覺得冇得彈了, 子丹我當然不敢話好, 很多對白節奏仍然很怪. 但其他人真的好, 之前聽人講鄭則士和呂良偉表現很缺特色沒有發揮, 完全誤導了我. 呂良偉是每一個表情都真形爆(不是甄子丹那種啦)但同時怪雞風騷. 之前絕少見過他演這種角色....形象是類似<俠盜高飛>裡面任達華的判官. 鄭則士, 一句"笑到氣咳都冇人笑... 唔笑(扮)啦", 已經收晒貨啦. 二人一不是動作對打作用角色, 二真的只是戲份輕的配角, 有這種出彩演出都不夠? 那麼你們或者應該找回跛豪看回此二人的出色主角戲囉. 古天樂, 看這麼多次, 最舒服的一次, 陪著惡人時怕穿煲的提心吊膽神色非常出色, 在差館對著鄭則士的輕鬆對白都處理得很好. 我想......似乎葉偉信用古天樂非常的OK, 上次<乾柴烈火>其實已經幾好. 我覺得, 他這裡的表現比<黑社會>好很多, 當然,尤其是, 下集<以和為貴>.
打鬥對拆設計仍是非常的精采, 鄒兆龍手肘格甄子丹上膝頭, 子丹扭壓著鄒以俯下姿態上膝頭擊打鄒, WHOO, 正! 有一點點可惜是鏡頭影甄正面時, 鄒的替身非常明顯, 稍為礙眼.
還有劇本對動作片走到這條盡路充滿反批判, 處刑行宇(三惡人中三弟阿虎), 子丹全取上風後仍瘋狂揮拳怒擊, 鏡頭一邊影著甄之背影, 一邊插入路人私語其做法太過分太狼死的批評. 處死鄒兆龍TONY最後數鏡補上草原遠鏡和甄主觀鏡頭望上樹葉間透出的天際, 一方面問蒼天懲治惡人要做到此地步是否過份, 但是後面馬上就是戲的結尾, 也等如開首------這個殺星還是義無反顧的"我做的就是-----差人捉賊". 始終這是浪漫化的動作電影, 如果下下把喪盡天良的惡人塔上手扣等伙記埋0黎捉番差館, 氣勢又真係差D.
自嘲與反省當然也包括甄的"除晒衫GUT起蘿柚扮晒MODEL". XD, 丹爺有容下這戲謔的量度, 可喜.
故事我一路沒有提. 係, 簡單得很. 臥底, 勁差佬 VS 三惡人. 臥底敗露, 但三惡人也要著草, 大佬失敗落網, 兩弟殺盡證人好讓大佬能夠無罪釋放. 大橋簡單表面, 不過角色處理, 小場面仍然有味道嘛, 包括葉偉信那個"家"的恆久命題, 大惡人親手餵母親求她吃飯, 阿呂演得好! 作為打鬥片, 一切恩怨, 怒火的SETUP我覺得做得非常稱職了. 情節簡陋, 人物單薄的指責, 我覺得很奇怪.
沒有留言:
發佈留言